Кинескиот народ сака мир и земјите не би требало да се закануваат една на друга со употреба на сила, изјави денеска кинескиот претседател Си Џинпинг, пред големата поморска парада организирана по повод 70 години од формирањето на кинеската морнарица.
– Сите треба да се почитуваат една со друга, да се третираат едно со други како еднакви, меѓусебно да ја зацврстуваат довербата, да го интензивираат поморскиот дијалог и размени и да ја продлабочуваат прагматичната соработка помеѓу морнарицата, посочи Си.
Во парадата ќе учествуваат 32 бродови и 39 авиони, како и воени бродови од 13 држави, вклучително Индија, Јапонија, Виетнам и Австралија, при што првпат ќе бидат прикажани најновите подморници и воени бродови.