Сериозна самодоверба демонстрира дефанзивецот на Ајакс, Матеис де Лихт по победата со 4:1 над Реал Мадрид во осминафиналниот реванш дуел од Лигата на шампионите на „Сантијаго Бернабеу“.
Со вкупен резултат 5:3, напред продолжува холандскиот гигант, додека победникот во последните три изданија на турнирот беше елиминиран.
„Знаевме дека овој успех е можен. Го постигнавме она за што бевме дојдени. Сите си велевме, дека ако ја играме нашата игра, ќе создадеме несомнено многу проблеми на Реал. Она што го покажавме беше најдоброто од Ајакс. Брилијантна тимска презентација. Сите си ја дадовме потребната поддршка. Му создадовме проблеми на Баерн, а сега го отстрануваме и носителот на трофејот – којзнае каде може да стигнеме. Мислам дека уште не сме завршиле во Лигата на Шампионите, прокоментира играчот веднаш по мечот.