Професорката Гордана Силјановска преку видео порака ја извести јавноста дека за рекорден рок се собрани потребните 10 илјади потписи за нејзината кандидатура за претседател.
Од срце ви благодарам на сите за вашата поддршкаВидео изјава за собраните над 10 илјади потписи за претседателската кандидатура
Posted by Gordana Siljanovska Davkova on Сабота, 23 февруари 2019
-Туку што дознав дека за многу гусо време, за рекордни неколку часа се собрани потребните 10 илјади потиси. Со тоа јас официјално ќе станам кандидат за претседател на Република Македонија. Немам зборови со кои би ја изразила благодарноста. За мене ова е како во рациновата песна, силно светнал ден. Ова е денот кога ја започуваме битката за право и правда во РМ, од срце ви благодарам, рече Силјановска.
Професорката Силјановска пред точно седум дена на конгресот во Струга ја доби довербата од мнозинството делегати на ВМРО-ДПМНЕ со што официјално најголемата опозициска партија застана зад неа за претстојните претседателски избори.
Виктор Јованов