Екипата на Манчестер јунајтед допатува во Мадрид, каде што утревечер ќе игра со составот на Реал Мадрид, во осминафиналето од Лигата на шампионите.
Тренерот на Манчестер, Алекс Фергусон ќе има нов дуел со добро познатиот ривал Жозе Мурињо, а европска фудбалска јавност очекува дуелот да го одбележи офанзивна игра на двата тима и погодоци.
Она што можам да го кажам е дека мечот нема да заврши 0-0, бидејќи двата тима играат само офанзивен фудбал. Тоа ќе биде меч за уживање. Реал го има Кристијано Роналдо, а ние Робин ван Перси, кој можам да кажам дека е дел од елитата, рамо до рамо со Меси и Роналдо. Тешко е да се прогнозира победникот, но она што го гарантирам е дека сите ќе уживаат во нашите дуелите со Реал – изјави Фергусон.