Гувернерот на јапонската префектура Окинава, Такеши Онага денеска изјави дека регионалните власти одлучиле да ја поништат дозволата за изградба на американска воена база во југозападниот дел на Окинава.
Се очекува јапонската Влада да преземе правни мерки за да ја оспори одлуката на гувернерот Онафа. Властите во Токио планираат да почнат изградба на американска воена ваза во градот Наго, северниот дел од Окинава. Новата база треба да биде замена за сегашната авиобаза на американската морска пешадија во Футенма, која се наоѓа во станбените реони на централниот дел на Окинава.
Претходниот гувернер на Окинава, Хидрокадзу Накаима во декември 2013 година издаде одобрение за градба.
Окинава е само 0,6 проценти од целата јапонска територија, но на островот се лоцирани 74 проценти од војската на САД во Јапонија.