Американскиот претседател Доналд Трамп нареди знамињата на јавните институции во САД да бидат спуштени на половина копје како почит на папата Франциск, кој почина денеска.
Трамп нареди знамињата да бидат спуштени на половина копје на сите јавни и воени згради и локации, како и на бродовите низ САД и нивните територии, до денот кога ќе биде погребан папата Франциск, објави Си-Ен-Ен.
Тој, исто така, нареди знамињата да бидат спуштени на половина копје во амбасадите, конзулатите и другите американски објекти во странство, вклучувајќи ги и сите воени инсталации и бродови.
Американското знаме на врвот на Белата куќа од утрово е спуштено на половина копје.
