Два патнички воза се судрија во Чешка, при што тешко се повредени најмалку пет лица, а околу 40 други се полесно повредени.
Несреќата се случила во регион на околу 132 километри јужно од Прага, а сите патници во двата воза биле евакуирани, објави Ројтерс.
Портпаролката на регионалната болница потврди дека пет лица се лекуваат од сериозни повреди.
Министерот за транспорт Мартин Купка изјави дека причината за несреќата е сè уште под истрага, но прелиминарните податоци укажуваат дека еден од возовите веројатно поминал покрај стоп-семафор.