Фокусот на борбите во Украина се префрли на патот кон Мариупол, каде украинската офанзива полека ги турка назад руските сили, а британските тенкови Челинџер се подготвени за битка. Хана Малиар, заменик-министер за одбрана, изјави дека најактивните борби повеќе не се водат околу Бахмут, во источниот регион на Донецк, туку на југ, во правец на двата крајбрежни града Бердјанск и Мариупол, пренесува Гардијан.
„Ако во првата недела епицентарот беше на исток, сега гледаме дека борбите се движат кон југ и сега гледаме дека најактивни области се Бердјанск и Мариупол“, рече Малиар. „На исток непријателот ги упати сите сили да ја запрат нашата офанзива. И таму собираат сили да не спречат. Тие не се многу успешни на југ“, рече таа.