Француските земјоделци веќе втор ден ги блокираат стратешките патишта околу Париз, а членовите на Конфедерацијата на селаните ги блокираат и влезовите во дистрибутивните центри во Кавајон во департманот Воклуз, на југот на Франција, пренесува BFM TV.
„Сакаме да ги блокираме логистичките центри затоа што бараме подобра распределба на додадената вредност. Масовната дистрибуција направи многу профит во последниот квартал и никогаш ништо од тоа не гледаме. Бараме да ги зголемат нашите набавни цени без зголемување на цените за крајните потрошувачи. Бараме, всушност, да им се намалат маржите. Ќе останеме онолку колку што е потребно“, рече претставникот на фармерите.