Украинскиот претседател Володимир Зеленски воведе санкции за 185 компании и поединци кои ја поддржуваат 12-месечната војна на Русија.
Фирмите и бизнисмените кои превезуваат персонал и воена опрема со железница во име на „државата агресор“ ќе бидат казнети, рече Зеленски во вечерното видео обраќање. Тој додаде дека конфискуваниот имот ќе се користи во корист на украинската одбрана во војната.
Zelenskyy signed a decree imposing sanctions against 185 companies and individuals used by the #Russian government for rail transportation.
It is about legal entities and individuals who help the #Kremlin to transport military equipment and soldiers by rail. pic.twitter.com/I2JfhTb7bZ
— NEXTA (@nexta_tv) January 28, 2023
На санкционираната листа има 182 компании, меѓу кои и белоруски кои и помагаат на Русија во испораките и три физички лица.
Зеленски, исто така, рече дека Украина работи на тоа и другите земји да ги блокираат средствата на овие компании и поединци. Тој, исто така, им се заблагодари на „сите кои помагаат во зајакнувањето на санкциите против Русија“, како и на истражителите кои откриваат и гонат затајувањето на руските санкции.
Во градот Костијантиника во регионот Доњецк, во саботата во руски ракетни напади врз станбени згради загинаа три, а беа ранети 14 лица, рече Зеленски.
Зборувајќи за изгледите за воена помош од Западот, претседателот нагласи дека на Украина итно и требаат ракети со поголем дострел за да се одвратат таквите напади.