Еден ден по телефонскиот разговор меѓу американскиот претседател Доналд Трамп и рускиот претседател Владимир Путин, кој не донесе никаков напредок или индикации за прекин на огнот, украинскиот претседател Володимир Зеленски изјави дека војната мора да заврши преку преговори, но со реални и јасни предлози.
„Очигледно е дека Русија се обидува да купи време за да ја продолжи војната и окупацијата“, изјави Зеленски.
Тој додаде дека Украина работи со партнерите за да го зголеми притисокот врз Москва.
Зеленски повтори дека Украина е „подготвена за сите ефикасни формати на преговори“, но исто така предупреди:
„Доколку Русија продолжи да поставува нереални услови, мора да следат сурови последици“.