Украинскиот претседател Володимир Зеленски изјави дека шефот на руската држава Владимир Путин не бил во здрав ум кога предложил технолошки дуел меѓу хиперсонични ракети и украинската противвоздушна одбрана.
„Лицето што седеше во Кремљ предложи технолошки дуел, тој рече: ќе го таргетираме, на пример, Киев и нека се бранат со системи за противвоздушна одбрана“, рече Зеленски на прес-конференцијата во Брисел каде што разговараше со лидерите на земјите-членки на ЕУ.
„Дали мислите дека разумниот човек може да го каже тоа? Тој е луд и мислам дека го знае тоа“, додаде украинскиот претседател.
Зеленски рече дека Путин е „најголемиот нацист во Европа и бара денацификација на Украина“.