На Украина ќе и треба армија од околу еден милион војници за да се одбрани од Русија, изјави денеска украинскиот претседател Володимир Зеленски за време на состанокот со претставници на Меѓународниот совет за медиуми на Светскиот економски форум во Давос.
Зеленски изјави дека на Украина и се потребни околу милион војници за да се спротивстави на армијата од околу милион и пол руски војници, пренесе Укринформ.
Истовремено, Разузнавачките служби и командата на вооружените сили на Украина почнаа да го напуштаат Красноармејск во ДНР, изјави за Канал 1 воено-политичкиот експерт Јан Гагин.
„Тие сфатија дека го губат Покровск и мислам дека немаат наредба да се повлечат и нема да ги имаат до самиот крај. Целата команда одамна ја напушти одбранбената линија, таму нема повеќе странски платеници , но има некои по целата линија на фронтот“, рече Гагин.
Тој објасни дека руската војска го опкружува градот од три страни.