Претседателот на Украина, Володимир Зеленски, денеска изјави дека Соединетите Американски Држави ја зголемуваат испораката на оружје за Киев.
„Многу е важно САД да ја зголемат понудата сега. Ова е неопходно за да се изедначи ситуацијата. Благодарен сум на нашите партнери, а темпото на снабдување треба да биде такво што ќе го забави темпото на руските напади“, рече Зеленски во редовно обраќање, објави Униан.
Зеленски посочи дека на Украина и треба повеќе оружје и силна позиција за дипломатија.
Американскиот претседател Џозеф Бајден претходно изјави дека му наложил на Пентагон да продолжи да ја зголемува испораката на оружје за Украина.
Тој додаде дека во последните месеци Вашингтон префрлил стотици ракети за противвоздушна одбрана во Украина и дека уште повеќе се на пат за испорака.