Зеленски им порача на Американците пред изборите: Чувајте го непоколебливо единство

Од:

Украинскиот претседател, Володимир Зеленски, ги повика Американците да зачуваат непоколебливо единство до враќањето на мирот во Украина, а оваа порака ја испрати денес, на денот на американските т.н. меѓуизбори, чии резултати можат да влијаат на позицијата на Вашингтон кон Киев.

„Ве молам да го зачувате непоколебливо единство, како што правите сега до денот кога ќе ги слушнеме тие големи зборови за кои сонуваме, дека мирот конечно е вратен“, рече тој во видео повик од Киев.

Зеленски им се заблагодари на „претседателот Џо Бајден, двете партии во Конгресот и секој американски граѓанин“ за големата финансиска, воена и дипломатска поддршка што и’ ја дадоа на Украина од почетокот на руската инвазија на 24 февруари.

Вашингтон всушност е главниот сојузник на Киев веќе осум месеци, помагајќи му со строго санкционирање на Москва и голем дел од руската економија и снабдување на украинската армија со оружје и воена опрема, како и разузнавачки податоци клучни за операциите на фронтот.

Кон средината на мај, американскиот Конгрес деблокираше 40 милијарди долари за помош за Украина.

„Слободата е главниот збор за нас и таа навистина ги обединува сите Украинци“, рече Зеленски.

Би можело да ве интересира

Зеленски: Документирани повеќе од 183.000 злосторства од страна на руските сили

А1он

Зеленски: Ако не сме членка на ЕУ, нема да има договор за експлоатација на ретки минерали

Трамп: Зеленски ќе има големи проблеми ако се повлече од договорот за ретки минерали

Горан Наумовски

Зеленски: Примирје веќе ќе имаше доколку имаше вистински притисок врз Русија

Зеленски му одговори на Трамп: Нема да ги вратиме парите

Предраг Петровиќ

Зеленски: Украина е силна земја која навистина сака мир