Украинскиот претседател Володимир Зеленски објави дека одлучил да го разреши Алексеј Резников од функцијата министер за одбрана на земјата.
На негово место го предложи Рустем Умеров.
„Одлучив да го разрешам министерот за одбрана на Украина. Олексеј Резников помина низ повеќе од 550 дена војна. Верувам дека на министерството му требаат нови пристапи и други форми на интеракција со армијата и општеството во целина“, рече Зеленски. Смената на министерот за одбрана мора да биде одобрена од Парламентот, а се очекува мнозинството претставници на Врховната Рада да ја поддржат оваа промена.
Да потсетиме, според истрагата на весникот Ѓеркало Тижнија објавена во август, Министерството за одбрана во септември 2022 година склучило договор со турска компанија за набавка на зимска облека за армијата во вредност од 33 милиони долари, што подоцна се покажало дека е летна облека. Истрагата пронашла докази за неовластено менување на цената, при што некои јакни вредни околу 29 долари се наведени во некои документи и по цена од 86 долари.