Украинскиот претседател Володимир Зеленски денес го обвини унгарскиот премиер Виктор Орбан дека користи пропаганда против Украина за свои внатрешни политички цели.
„Орбан ја користи Украина за своите изборни цели. Тој не разбира дека ова ќе има многу сериозни и опасни последици. Орбан му прави услуга на Путин и затоа реков дека прави сериозна историска грешка“, рече украинскиот претседател во интервју за унгарскиот новински портал Валас.
Зеленски во интервју објавено денес тврди дека владата на Орбан води кампања против испраќање помош за Украина и е против приемот на Украина во Европската Унија.