Европската унија утринава ги засили мерките за безбедност околу зградата во која се сместени европските институции, соопшти денеска Наташа Берто, портпаролка на Европската комисија.
-Во постојан контакт сме со белгиската полиција, а засега нема информации дека постои конкретна закана, изјави Берто во седиштето на Европската комисија.
Зајакнатите безбедносни мерки вклучуваат засилен надзор на влезот во зградата и зголемен број работници на обезбедувањето, наведе таа.
Одлуката за покревање на степенот на обезбедување е донесена откако Белгија вчера прогласи трет степен (од вкупно четири) за опасност од тероризам.