Италијанската полиција денеска соопшти дека во Наполи уапсила лице кое со комбе пренесувало 340.000 лажни банкноти од по 50 евра, со вкупна вредност од 17 милиони евра.
Полицијата наведува дека банкнотите се добро фалсификувани и дека би моежеле да ги излажат луѓето.
Возачот на комбето е уапсен додека ги ставал парите во своето возило. Нервозното однесување го привлекло вниманието на полицијата која потоа открила фалсификати сокриени во 15 картонски кутии.
Италијанските власти соопштија дека половина од лажните банкноти во оптек во евро зоната потекнуваат од Наполи.