Најмалку две лица се убиени во експлозиите на три автомобили-бомби во близина на Министерството за внатрешни работи и зградата на безбедносните сили во либиската престолнина утринава, што претставува прв смртоносен напад по соборувањето на режимот на Моамер Гадафи минатата година.
Првата бомба експлодирала во близина на административната зграда на Министерството за внатрешни работи во Триполи без да предизвика жртви, пренесува бугарската агенција БТА. Полицајците кога пристигнале на местото на настанот откриле уште една автомобил-бомба, која не експлодирала.
Неколку минути подоцна две возила експлодирале во близина на поранешниот штаб на женската полициска академија. Зградата била користена од Министерството за одбрана за сослушувања и задржување. Оваа бомба уби две лица и рани други две лица.