Од петок почнува примена на шемите за раселување на мигрантите во ЕУ според квоти, соопшти Европската комисија.
Првите раселени ќе бидат Еритрејци кои пристигнале во Италија. Тие ќе бидат преместени по сопствена желба во Шведска.
Комисијата не прецизира колку мигранти ќе бидат опфатени со првиот чекор по примената на таа шема.
– Раселени ќе бидат мигранти кои се регистрирани и соодветни за условите за добивање закрила во Европската унија. Шемите не предвидуваат раселување на мигранти кои незаконски влегле во ЕУ, нагласува Маргаритис Скинас, портпарол на Комисијата.