Иранската војска започна дводневни маневри чија цел е зајакнување на борбената готовност на вооружените сили и способноста за одбрана од евентуалени напади.
Државната телевизија извести дека во воена вежба, која се одвива на западниот дел на Иран, во близина со границиата со Ирак учествуваат копнени и воздушни единици на војската.
Маневрите се одвиваат во атмосфера на зголемена напнатост меѓу Техеран и Западот поради спорната иранска нуклеарна програма.
Израел се закани дека би можел да преземе воена акција доколку Иран не прифати да ја запре програмата за збогатување на ураниумот.
САД и нивните сојузници го обвинуваат Техеран дека зад тоа се крие, обид за производство на атомска бомба, што иранските власти го демантираат, тврдејќи дека програмата има исклучиво мирољубива цел.