Уапсена е жена под сомнение за убиство откако 10-годишно девојче беше пронајдено мртво во Рали Реџис во Западен Мидлендс, пишува Sky News.
Полицијата соопшти дека го пронашла детето со повреди на адреса во Робин Клоус во понеделникот околу 12.10 часот.
На местото на настанот констатирана е смрт на детето.
Детективскиот инспектор Ден Џерат рече: „Малото девојче трагично го загуби животот и нашите мисли се со нејзините најблиски и сите оние кои се погодени од овој ужасен настан“.
„Знаеме колку ова ќе биде шокантно и вознемирувачко за заедницата и ќе продолжиме да одржуваме полициско присуство овде и да ја нудиме нашата поддршка во областа во текот на следните денови. Осомничената е уапсена и детективите целосно ги истражуваат околностите околу оваа трагична смрт“, рече Џарат.