Градоначалничката на главниот град на САД, Мјуриел Баузер, во интервју за телевизијата Си-ен-ен го одбрани своето решение да забрани танцување на свадбите во Вашингтон, подвлекувајќи ги успесите постигнати од градот во борбата со пандемијата.
Баузер на 26 април објави дека во Вашингтон повторно е дозволено да се прават свадби, но со ограничен број гости и без стоење или танцување, затоа што таа практика го зголемува ризикот од пренесување на коронавирусот.
Таа истакна дека младоженците не треба да се ставаат во ризик себеси и гостите.
-Мислам дека во свадбите има многу добрина, луѓето започнуваат заеднички живот и го прават тоа на безбеден начин, без да се ставаат во опасност себе или своите гости, изјави таа синоќа во интервјуто.
-Оваа вест може да се претстави и поинаку: сега во Вашинтон може да се прават свадби, рече Баузер.