Дванаесетгодишно момче од Глен Коува во американската сојузна држава Њујорк, е фатено како на час во школска тетратка пишува листа за убиства, во која се нашле наставници, соученици, но и роднини.
Момчето ги напишало имињата на луѓето кои сакало да ги убие, но ливчето го видел неговиот училишен другар и го предал на наставникот.
Полицијата веднаш го привела и ја претресла куќата, но не пронашла оружје.
За инцидентот ги известиле сите чии имиња биле на листата.
Полицијата верува дека не е ништо сериозно, но по неколкуте страшни убиства во училиштата ширум Америка, ништо не сакаат да препуштат на случај.
Изнендувачки и е тоа што момчето воопшто не било проблематично, немало лоши оцени, ниту пак било склоно на насилство и агресивни испади.
Еден од неговите пријатели од одделението изјавил дека можеби само фантазирал, бидејќи подолго време бил на мета на неколкуте училишни насилници, кои го малтретирале.
Елена Георгиевска