Во главниоот град на Иран, Техеран се одржаа демонстрации за заштита на правото на земјата да има нуклеарна енергија.
Демонстрантите побараа да не се прават никакви отстапки во преговорите во Виена меѓу Техеран и шесторката за иранската нуклеарна програма.
Демонстрациите беа дозволени од иранските власти. Тие се одржаа во реонот на експерименталниот рекатор за медицински цели во Техеран. Пред се учествуваа студенти, кои носеа транспаренти на кои пишуваше „Нуклеарната енергија е наше апсолутно право“, „Нема запирање на патот кон прогресот“ и „Санкциите кон Иран немаат ефект“.
Претходно, неименуван дипломатски извор изјави дека Иран и шесторката се откажале во ова етапа од разработување на сеопфатен договор поради недоволно време за усогласување на сите детали и оти подготвуваат само политички документ.
Тој тврди дека проектот за сеопфатно решение, што утре требаше да биде завршен, е обемен и има околу 50 страници.