Во светот запленети над 17.000 лажни тестови за коронавирус

Од:

Полицијата во десетици светски држави досега запленила повеќе од 17.000 лажни комплети за тестирање за Ковид-19, кои биле пронајдени во операции против шверцот, соопшти денеска Интерпол.

Полицијата запленила фалсификувани или нестандардни производи за храна и производи од животинско потекло во вредност од 34.5 милиони евра во 77 земји и уапсила 407 лица во операцијата која траела од декември 2019 до јуни 2020 година.

Меѓу производите има млечни производи, месо од незаконски заклани животни и прехранбени производи лажно обележани како лекови, објави Интерпол.

Полицијата пресретнала и илјадници фалсификувани медицински производи, во време кога земјите ширум светот побрзаа да се снабдат со медицински материјал поради блокадата воведена за да се спречи ширењето на коронавирусот.

– Додека земјите ширум светот продолжуваат со напорите да го контролираат Ковид-19, криминалните мрежи кои ги дистрибуираат овие потенцијално опасни производи само ја покажуваат својата решеност само да заработат, изјави генералниот секретар на Интерпол, Јирген Шток.

Покрај лажните тестови за Ковид-19, во акциите биле пронајдени средства за дезинфекција, па дури и пратка морска храна во Јужна Африка со потекло од Азија, која била лажно декларирана како лична заштитна опрема.

– Другите нелегални производи што се пронајдени вклучуваат козметика, чевли, облека, торби, делови за автомобили, електроника, тутун и лекови, во вредност од околу 3,1 милиони долари, соопшти Интерпол.

Ова е деветта година на агенцијата за координирана акција во рамките на операцијата Опсон против фалсификувана или нестандардна храна и пијалоци, која редовно запленува илјадници тони фалсификувани и потенцијално штетни производи.

Би можело да ве интересира

Интерпол утре ќе избира претседател, двајца кандидати, едниот е обвинет за тортура

Фатени 19 лица кои со лажни ПЦР тестови со автобус тргнале за Германија

Интерпол: За време на ЕУРО 2020 уапсени 1.400 лица и запленети 6.7 милиони евра

А1он

644 полицајци биле ангажирани во последното деноноќие за пожарите

616 полициски службеници ангажирани во последното деноноќие за превенирање и гаснење на пожарите

Мери Јордановска

Во гаснењето на пожарите ангажирани и 450 полицајци