Мрежа за регрутирање на џихадисти за Сирија и Ирак, чиј раководител е поранешен затвореник од Гвантанама, беше разбиена денеска во Мадрид, при што беа уапсени осум лица.
Операцијата почна рано изутрината и се уште трае. До сега се извршени 12 претреси.
Според истрагата лидерот на групата претстојувал во Шпанија откако отслужил казна во американскиот воен затвор во Гвантанамо по апсењето во Авганистан во 2001 година, соопшти шпанското Министерство за надворешни работи.
Мрежата регрутирала кандидати џихадисти кои ги праќала во редовите на терористички групи во Сирија и Ирак, меѓу кои и Исламската држава во Ирак и Левантот.
Шпанските власти во изминатиот период разбија неколку слични групи. Во мај во енклавата Мелиља, во северниот дел на Мароко беше разбиена мрежа која регрутирала џихадисти за Мали и Либија.