Шпанскиот министер за внатрешни работи Хорхе Фернанадез Дијаз изјави дека полицијата привела 18 припадници на организацијата „Херира“, поврзани со баскиската сепаратистичка група ЕТА. Сите членови се уапсени во регионот на Баскија и соседна Навара.
Според зборовите на Дијаз, тие им помагале на затворените членови на ЕТА во оддржување на контакти со организацијата.
ЕТА, го отфрли насилството во октомври 2011 година, по четриридецениската кампања на бомбашки и вооружени напади во кои загинаа околу 850 лица. Меѓутоа владата одбива да преговара со ЕТА, бидејќи таа не сака да го предаде оружјето и да ги распушти членовите.
Елена Георгиевска