Во САД се случуваат далеку повеќе насилни смртни случаи отколку во другите богати земји, делумно поради тоа што голем број луѓе поседуваат огнено оружје, кое често се наоѓа на пристапно место, покажуваат резултатите од денеска објавеното истражување.
Во САД се случуваат околу шест насилни смртни случаи на 100.000 жители, а ниту една од останатите 16 земји опфатени со извештајот на двата водечки здравствено-истражувачки институти, не е ниту приближно на тој сооднос.
Најблиска на САД е Финска, со нешто повеќе од два случаи на насилна смрт на 100.000 жители.
Освен тоа, во САД е поголем број на смртните случаи кои се поврзани со дрогата, смртни случаи на новороденчиња и случаи на СИДА.
Извештајот е објавен помалку од еден месец откако во пукање во основно училиште во Конектикат се убиени 20 деца и шест возрасни.