Во Португалија 700 пожарникари се борат со голем пожар, еден загинат

Од:

Повеќе од 700 пожарникари се борат со огнената стихија која синоќа го зафати централниот дел на Португалија.

Еден 21-годишен пожарникар загина, а шестмина се повредени во сообраќајна несреќа додека ја извршувале својата задача.

Силните ветрови ги отежнуваат напорите на пожарникарите да го изгаснат пожарот.

Пожарот изби во околината на Олеироса вчера попладне, но се прошири на уште две соседни области, поради што голем број на луѓе беа евакуирани како мерка на претпазливост.

Според управникот на една од областите погодени од пожарот, неколку селски куќи биле зафатени од пламенот, но рано е да се каже колку долго ќе треба за да го стават огнот под контрола.

– Повеќето од евакуираните се вратија дома, рече управникот Луис Бело Коста.

Според податоците на ЕУ, Португалија е земја која е најмногу погодена од пожари секоја година, а еден од најголемите во регионот беше во јуни 2017 година, кога загинаа 66 луѓе, а повеќе од 250 беа повредени.

Би можело да ве интересира

Многу силен земјотрес ја погоди Португалија

Во Португалија беснеат шумски пожари, во Лисабон е издадено црвено предупредување

Во Португалија свештеници злоставувале 4.800 деца, Папата се сретна со дел од жртвите

(ВИДЕО) Повеќе од 600 пожарникари го гаснат пожарот во Португалија

Почина бебе кое чекаше шест часа за да биде пренесено во друга болница

Четворица мртви во Португалија по кавга за гулаби

Горан Наумовски