Над 600 пожарникари со помош на 189 возила, противпожарни авиони, како и со помош на локалното население работат на гаснење на големиот пожар.
🇵🇹 🔥🌲 Progression massive des feux de forêt à Cascais, près de Lisbonne, Portugal. pic.twitter.com/cMXkDD7gIu
— Bops (@BeaupinEric) July 26, 2023
Голем пожар зафати природен парк во близина на одморалиштето Кашкаис, западно од португалската престолнина Лисабон.
Како што пренесува Ројтерс, пожарот избувнал вчера во 17 часот по локално време, во планинска област која е дел од природниот парк Синтра-Кашкаис, кој зафаќа површина од околу 145 квадратни километри.
Во едно од зафатените села од пожарот, селаните се обиделе да ги спречат пламените јазици да допрат до куќите, гаснејќи го пожарот со вода од кофа и со помош на градинарски црева.
Според властите, нема оштетени куќи и нема информации за повредени.
Податоците на ЕУ покажуваат дека Португалија, која досега главно не беше погодена од топлотниот бран што предизвика голема материјална штета низ јужна Европа, обично е една од земјите на блокот најтешко погодени од пожарите.
Екстремните временски услови во јули предизвикаа рекордно високи температури во Кина, САД и многу јужноевропски земји, како и шумски пожари, недостиг на вода и зголемување на болничките интервенции поврзани со топлотен удар.