Полската полиција успеала да спречи бомбашки напад врз највисоките претставници на Полската Република, ги пренесоа чешките медиуми информациите од Варшава.
Според првите сознанија се претпоставува дека целта бил Парламентот или претседателот на државата Бронислав Коморовски.
Според полското Државно обвинителство, осомничениот напаѓач бил уапсен во градот Краков, на југот на земјата.
Полскиот телевизиски канал, ТВН24 повикувајќи се на доверливи извори информираше оти случајот бил сериозен, бидејќи подготовките за атентатите биле во напредната фаза.
Полската служба за контраразузнавање, денеска најави прес конференција на која ќе информира за деталите.