Во Норвешка заплени околу 820 килограми кокаин

Од:

Норвешката полиција заплени околу 820 килограми кокаин во Осло, што е најголемата заплена на оваа дрога досега во земјата, соопшти денеска полицијата. Сепак, никој не беше уапсен.

Полицијата во Осло и Царинската агенција одржаа конференција по оваа историска заплена на дрога во четвртокот попладне. Началникот на секторот во Царинската агенција Тим Гурик и началникот на Заедничката единица за разузнавање и истрага на полицискиот округ во Осло Грете, Лијен Метлид, на прес-конференцијата зборуваа за заплената.

– Ова во никој случај не е вообичаено и количината е два до три пати поголема од сите дроги од овој тип што досега сме ги заплениле. Пронајдената количина на дрога е исто така двојно поголема од онаа што ја собравме во изминатите пет години. Оваа сума редовно се шверцува низ Европа – истакнаа на конференцијата и додадоа:

– Проценката се базира на примероци и тестови што досега ги направивме на околу 800 килограми кокаин. Ова би било најголемата заплена на кокаин досега во Норвешка – изјави на прес-конференција шефицата на Заедничката единица за разузнавање и истрага на полицискиот округ во Осло, Грете Лијен Метлид.

Ова е очигледно организиран и тежок криминал. Сега не сакаме да кажеме каде во градот е извршена заплената, но важно е да се каже дека никој не е уапсен. Со големи напори ја истражуваме работата и сè уште ги бараме одговорните за овој чин, нагласи Матлид, посочувајќи дека нема сомнеж дека толку голема пратка е поврзана со организиран криминал.

Би можело да ве интересира

Норвешка ги заостри ограничувањата за влез на руските граѓани

Норвешка ја призна палестинската држава

Катерина Ѓуровски

Норвешка и Ирска ќе ја признаат Палестина

Приведени двајца кумановци за поседување дрога

Предраг Петровиќ

(ВИДЕО) Карабињерите запленија 2.700 килограми кокаин, скриен во керамички банани

МВР: Уапсени се двајца дилери од Прилеп, пронајдена е дрога и пушка