Кина од 1 јануари 2021 година ќе забрани увоз на цврст отпад, со што ќе се стави крај на политиката покрената пред три години, јави кинеската државна новинска агенција Синхуа.
Кина во 2018 година почна да ја затвора вратата за увоз на отпад, што предизвика акумулација на производи за рециклирање во богатите земји.
Кина, исто така, постепено забрануваше увоз на разни видови на пластика, автомобилски делови, хартија, текстил или отпад од челик или дрво.
– Секој увоз на цврст отпад ќе биде забранет, се наведува во заедничкото соопштение од кинеското Министерство за животна средина и трговија, Царината и Националната комисија за економско планирање.
Кинеската еколошка политика предизвика потешкотии за американската и европската рециклажна индустрија, кои се принудени да го чуваат отпадот додека чекаат решение.
Отпадот што се извезува во азиските држави се децении беше купуван од локалните фирми, кои го чистеа и го претвораа во суровини за индустријата.