Демографите во САД очекуваат на почетокот на следната година Латиноамериканското население во најнаселената американска држава Калифорнија да го надмине бројот на белците, пренесоа американските медиуми.
Државното Министерство за финансии објави прогнози, според кои, Латиноамериканците ќе станат доминантна етничка група во Калифорнија за прв пат. До 2020 година тие ќе достигнат 41 отсто од населението, додека белците ќе бидат под 37 отсто.
Белците ќе се намалат до 30 отсто во текот на 2060 година од сегашните 39 отсто, што ќе се одрази врз политичкиот и општествениот живот.
Во моментов белците не се мнозинство само во државите Хаваи и Њу Мексико.
Според истиот извештај, Калифорнија во текот на 2049 година ќе има население од 50 милиони.