Висок функцонер на Ал Каеда и локален лидер на огранокот на милитантната група Ансар ал Шарија се убиени синоќа во напад со беспилотно летало во централниот дел на Јемен, изјавија претставници на локалното племе.
Освен Набил ал Ахаба, лидер на Ансар ал Шарија во јеменската покраина, синоќа се убиени уште четворица членови на Ал Каеда, меѓу кои и Шавки ал Бадани, лидер на Ал Каеда на Арапскиот Полуостров, по кого трагаат САД.
Стејт департментот Ал Бадани го смета за глобален терорист и го поврзува со најмалку два напади врз американската Амбасада во Сана и со самоубиствениот бомбашки напад во главниот јеменски град, во кој се убиени над сто војници на 17 јуни 2014 година.