Вооружени лица киднапираа двајца Јужноафриканци синоќа во вториот по големина јеменски град Таиз. Според полицијата за киднапирањето е одговорен пратеник кој сакал да упати закани врз Владата заради спорно земјиште.
Полицијата била известена прекутелефон од помошникот на пратеникот Абдел Хамид ел Батра дека тој организирал киднапирање пред хотел во градот.
Пратеникот ветил дека ќе ги ослободи странците во замена за земјиштето. Ел Батра е член на владејачката партија и парламентарец веќе 10 години.