Хутите во Јемен гранатираа во провинцијата Мариб воена база на Владата што ја поддржуваат Саудијците. Во нападот загинаа седум лица, меѓу кои и роднини на командантот на базата.
Нападот се случи откако беше постигнат едномесечен договор за прекин на огнот на 24 април помеѓу коалицијата предводена од Саудиска Арабија и движење во сојуз со Иран поради пандемијата на коронавирусот.
Извори велат дека командантот го преживеал нападот, но не и неговиот син и внук.
Таа информација ја потврди и другиот син на командантот на Твитер. Хутите не го коментираа нападот.
ОН се обидуваат да одржат виртуелни разговори меѓу завојуваните страни за воспоставување постојан прекин на огнот и да ги почнат мировните преговори прекинати во крајот на 2018 година.