Тројца цивили се убиени и уште толку се ранети во денешното гранатирање во таканеречената „Доњецка Народна Република“ (ДНР) на истокот на Украина, пренесе ТАСС, повикувајќи се на бунтовниците.
Портпаролот на „Министерството за одбрана“ на „ДНР“ Едуард Басурин информира дека двајца цивили загинале во Доњецк и еден во Горловка. Тројца други цивили биле ранети во Доњецк.
Вечерва интензитетот на гранатирање на градот и околината е намален, информираат истите извори.
Насилството во источна Украина и денеска продолжи и покрај фактот дека претходно во Минск беше договорен нов прекин на огнот.