Најмалку 15 цивили загинаа, а 18 се повредени во гранатирањето во источниот дел на Украина во изминатите 24 часа, изјави денеска Едуард Басурин, портпарол на Министерството за одбрана на самопрогласената Народна република Доњецк.
Басурин посочи дека украинските безбедносни сили ги гранатирале резиденцијалните подрачја во Доњецк 34 пати во текот на изминатите 24 часа, а најпогодоени беа градовите Горловка, селото Спартак и Доњецк.
Киев и Москва меѓусебно се обвинуваат за неуспехот на мировните преговори за прекин ан огнот постиогнат минатиот септември во Минск. Според податоци на Обединетите нации од април минатата година во конфликтот во Источна Украина загинаа 4.700 луѓе.