Денис Пушилин, прорускиот лидер на самопрогласената и делумно окупирана Народна Република Доњецк во источна Украина, рече дека руските сили ќе ги „ослободат“ украинските градови Одеса и Чернихив. Т.н Доњецката Народна Република е еден од четирите региони кои рускиот претседател ги прогласи за руски територии во септември. Мнозинството членки на ОН го осудија обидот за анексија и го нарекоа нелегален.
„Чернихив и Одеса мора да бидат ослободени“
Вчера, во интервју за руската новинска агенција РИА, Пушилин рече дека повеќе од половина од регионот Доњецк се уште е под контрола на Русите. Во видеото објавено на Твитер од новинарот на Би-Би-Си, Френсис Скар, Пушилин рече дека Москва во моментов е фокусирана на „ослободување“ на целиот регион Доњецк.
Russia still only controls about 50% of the “Donetsk People’s Republic”, but Denis Pushilin isn’t deterred
He insists that Chernihiv and Odesa must be “liberated”. Only he says it would be “incorrect” to suggest a timeframe for this pic.twitter.com/UTwdsSBQx5
— Francis Scarr (@francis_scarr) December 14, 2022
Тој, исто така, тврди дека „Чернихив и Одеса мора да бидат ослободени“, додавајќи дека не би било исправно да се сугерира кога тоа би можело да се случи.