Началникот на руската армија изјави дека руските војници во Украина се „фокусирани на завршување на ослободувањето“ на Доњецк, источен украински регион за кој Москва тврди дека го анектирал.
„Ситуацијата на фронтот е стабилизирана и главните напори на нашите војници сега се насочени кон завршување на ослободувањето на територијата на Доњецката Народна Република“, нагласи на брифингот началникот на Генералштабот на руската армија, Валериј Герасимов.
Руските сили го контролираат речиси целиот регион Луганск, но само околу 60 отсто од регионот Доњецк. Од август, тие се заглавени во скапа и продолжена борба за Бахмут, индустриски град во регионот на Доњецк со предвоено население од околу 70.000.
Извор: МИА