Во самопрогласената Доњецка Народна Република почна нова фаза на повлекување на оружјето, соопшти денеска Министерството за одбрана на Републиката.
– Се очекува повлекувањето на оружјето да се одвива во три правци, Торез-Дмитровка, Доњецк-Первомајск, Безимјаноје-Самојилово, изјави претставник на Министерството, јави ТАСС.
Тој додаде дека повлекувањето на оружјето почнало во 9:30 часот по московско време.
Повлекувањето го надгледуваат набљудувачите од Организацијата за безбедност и соработка во Европа (ОБСЕ).