Најновата студија на Бразилскиот форум за јавна безбедност покажува дека во државата на секои десет минути се случува по едно убиство.
Како што пренесуваат агенциите во 2013 година се убиени вкупно 50.806 лица или во просек речиси шест лица на секој час.
Стапката од 25,2 жртви на 100.000 жители во 2013 година е нешто помала од онаа во 2012 година (25,9), но вкупниот број на жртви во 2013 година ја надмина бројката од 2012 година (50.241).
Учесниците на Форумот оцениле дека постои можност да се намали бројот за две третини до 2030 година.
Е. Г.