Политички земјотрес во Австрија-највисокиот суд во земјата, Уставниот суд ги поништи резултатите од минатомесечните претседателски избори на кои екс лидерот на Зелените, Александер Ван дер Белен многу тесно го победи ултрадесничарот Норберт Хофер.
Во образложението на одлуката од судот се наведува дека причина за поништување се неправилностите во пребројувањето на гласачките листови на одредени избирачки места. Слободарската партија на Хофер изрази сомневање во регуларноста на изборите наведувајќи дека гласовите пристигнати по пошта не се обработени на правилен начин.
Оваа одлука без преседан, отвора можност за повторно гласање, нејверојатно на есен. Ван дер Белен кој освои 50,3 насто од гласовите, треба да стапи на должност на 8 јули.