Тропската бура Едвард се формира во источниот дел на Атлантскиот Океан и се очекува таа да остане во океанот.
Американскиот национален центар за урагани соопшти дека петтата тропска бура во оваа сезона на урагани во Атлантскиот Океан е проследена со ветрови со брзина од 65 километри на час, а нејзиното жариште е на 1.645 километри западно од Зеленортските Острови.
Бурата се движи кон северозапад со брзина од околу 20 километри на час.
Засега не се издадени предупредувања за опасност.