До крајот на неделава, белгиските власти се очекува да одлучат дали ќе го вратат карантинот кој беше воведен во средината на март, а кој траеше повеќе од еден месец како мерка против ширењето на Ковид-19, информацијата ја објави Националниот штаб за спротивставување на епидемијата.
Здравствените власти објаснуваат дека одлуката зависи од тоа дали сегашните мерки ќе доведат до намалување на бројот на новозаразени. Нивната главна грижа е дека болниците во земјата веќе се исполнети.
Локалните медиуми во понеделникот објавија дека Белгија побарала од Холандија пристап до бесплатни болнички кревети, но холандските власти не биле во можност да одговорат. Се прецизира дека постои договор меѓу Белгија, Германија и Холандија за прием на пациенти, но во овој случај холандските болници немаат слободни места.
Во Белгија воведен е полициски час во Брисел и Валонија, а сообраќајот е забранет во главниот град меѓу 22 и 6 часот наутро.
Носењето маски на кое било место надвор од домот е задолжително, а баровите, рестораните, спортските сали, музеите, кината и театрите се затворени барем до средината на ноември.
Во текот на изминатата недела, просечно се идентификувани повеќе од 13.000 нови инфекции на ден, со 10.899 смртни случаи досега, покажуваат податоците.