Маж со нож е уапсен денеска откако се обидел да влезе во официјалната резиденција на белгискиот премиер Александар де Кро, објави директорот за комуникации на белгискиот премиер Баренд Лајц, а потврди и белгиската полиција.
Осомничениот е уапсен околу 10 часот во официјалната резиденција на белгискиот премиер, пренесува белгиската агенција Белга.
„Мажот наводно бил вооружен со нож и им се заканувал на присутните воени лица. Тие го совладале мажот додека ја чекале полициската зона, која е одговорна за понатамошна истрага“, соопшти белгиската полиција.
Мотивите на осомничениот маж засега не се познати.
Де Кро преку својот директор за комуникации рече дека е „потресен од инцидентот“ и нагласи дека во инцидентот нема повредени.
Внимателно ја следиме ситуацијата заедно со полицијата“, изјави Де Кро.