Рускиот претседател Владимир Путин денеска потпиша закон со кој ги прогласува за странски агенти оние кои помагаат меѓународни организации во кои Русија не учествува, објавено е денеска на веб-страницата на официјалните правни акти.
Врз основа на овој закон, лицата кои помагаат во спроведувањето на одлуките на меѓународните организации во кои Русија не учествува, како што е Меѓународниот кривичен суд, или странски владини агенции, доколку нивната работа е насочена против безбедноста на Русија, ќе бидат прогласени за странски агенти, пренесе РИА Новости.
Истиот статус ќе го имаат и граѓаните вклучени во собирање информации од областа на воено-техничките активности кои можат да се користат против државата, ширење пораки и материјали и учество во нивното создавање.